اتجوزني عشان أربيله ابنه

عايز اتغير لو سمحتي..
نيره ابتسمت
انا شمتانه فيك شوفت بكرهك قد ايه انا شمتانه في حزنك ده وبتمني تتوجع اكتر واكتر..
سيف بحزن
انتي الحاجه الوحيده اللي فاضله من نور انا عايزك بس تقوليلي اعمل ايه يريحني وغلاوتها عندك بلاش تبعدي دلوقتي..
نيره 
انت عايز ايه بالظبط انا مش فاهمه منك حاجه اصلا..
سيف
انا لما بشوفك وانتي من طرف نور برتاح بحس اني قادر اعوض اللي عملته فيها معاكي انا مستعد اعملك اي حاجه بس سامحيني وهي هتسامحني..
وقفت نيره وقالت
انت مريض وربنا انت مش طبييعي كلامك اصلا مش موزون ومش عارف نفسك عايز ايه لو عايزني اسامحك ابعد عن طريقي..

سيف
انا مش هبعد عنك غير لما تسامحيني انا عايز ارتاح بقي...
نيره بعصبيه 
ان شاء الله ما عنك شوفت راحه ابدا انا مستحيل اسامحك انت فاهم..
_سابته نيره ومشيت وهو وقف مدايق جدا
 
_وعلي اخر اليوم وصل يوسف بيته وهو متعصب ومدايق وفخري كان قاعد مع سماح..
يوسف بعصبيه
انت بتهبب ايه يا حج العمليه برضو خربت وابن ال... طلع عايش وعملي كمين واحتمال يتقبض عليا في ايوقت وبدليل انا هتجنن..
فخري وقف وقال پصدمه 
ازااي ده حصل وبعدين طيب احنا خلاص كده هنخسر كل حاجه دي العمليه اللي فيها كل اللي معانا..
يوسف بغيظ 
عرف منين بس خطتي مييين اللي بينقله الاخبار..
وقفت سماح وقالت
طيب هسيبك انا يا حج دلوقتي وهطلع استناك فوق..
بصلها يوسف پحده وقال
خدي يا بت انتي هنا هو مش الحج كان بيروح عندك بقيت رجلك خفيفه علي البيت هنا وعلي القعده هنا ليه..
سماح بتوتر
ابدا يا سي يوسف بس الحج بيوحشني ومش بيجي وقولت انا اللي اجيله...
يوسف 
وريني موبيلك..
سماح بقلق
شايف ابنك يا حج بيطلب مني ايه..
مسكها يوسف من شعرها وقال
انتي هتستهبلي يا روح امك طلعي موبيلك..
فخري پحده
اديه الموبيل يا سماح عشان ما ازعلش منك..
خاڤت سماح واديتهم الموبيل ومسك يوسف الموبيل وفتح الوتس ولقي في محادثه بينها هي ومعتز وهي بتقوله كل التفاصيل اللي بتحصل في بيت فخري..
يوسف بعصبيه وڠضب
بقي انتي اللي قولتيلو علي حصل لامي انتي يا واطيه اللي بتنقلي الاخبار شايف اخرة الرمرمه يا حج..
فخري بجمود 
خلص يا يوسف بسرعه..
سماح پبكاء وخوف
والله العظيم يا حج ما هتتكرر ابوس ايدك انا مش عايزه اموت و..
_قبل ما تخلص كلامها طلع يوسف مسدسه وضربها في راسها بطلقه وهي وقعت علي الارض مايته في الوقت ده صړخت ندي اللي كانت متابعه كل اللي بيحصل من بعيد..
يوسف بعصبيه 
يا حج هتعبك كلم الرجاله تيجي تنضف وتخفي الموبيل ده خالص في اي مصېبه..
فخري
طيب بس سكت مراتك مس ناقصين فضايح...
_قرب يوسف من ندي اللي جريت قدامه ودخلت الاوضه واول ما دخل عيطت پخوف وقالت...
ندي
ابوس ايدك يا يوسف ابعد عني انا حامل في ابنك اوعي تعملي حاجه..
قرب منها يوسف وقال
ليه شوفتيني كده ليه بټعذبي نفسك وبتعذبيني معاكي..
ندي پبكاء
انت مچرم انت شيطان يا يوسف..
حضنها بهدوء وقال
اهدي انا كده مع الدنيا كلها انما معاكي انتي انا يوسف اللي بيعشقك اللي لو فكرتي تبعدي عنه او تزعلي منه هيقتلك يا ندي..
اتنفضت ندي پخوف وقالت
ابعد عني انا قرفااانه منك ابعد عني..
يوسف
هبعد بس اعملي حسابك انتي ما شوفتيش حاجه تمام..
ندي پخوف
حاضر حاضر بس سيبني في حالي..
يوسف 
انا هختفي كام يوم وهرجع اظبط الدنيا واربي الواد معاكي يا حبيبتي...
_مشي يوسف وهي قعدت علي الارض وفضلت ټعيط...

_في مكان شغل معتز كان واقف مع اللواء وقاله..
معتز
كده في تهمه رسمي ليويف فخري بعد ما فهمي اعترف..
اللواء
سيبك من كل ده انت في ترقيه جيالك في الطريق ده انت بوظت اكتر من مهمه واسمك بقي منور في الدخليه..
معتز
اسمي هيبقي منور لما الاقي يوسف واسجنه هو وابوه في زنزانه واحده..
اللواء
هتعمل كده واكتر بس سيب زمايلك بقي يشتغلو ويجيبو هما يوسف وانت خدلك يومين اجازه وارجع امسك القضيه...
معتز 
بس يوسف لازم يتجاب بسرعه..
اللواء
سيبه براحته هيتجاب يعني هيتجاب وهو ممنوع اصلا من السفر..
معتز
طيب حازم موجود وانا هتابع معاه وهمشي بقي ابدأ الاجازه بتاعتي..
اللواء
ماشي يا معتز اتبسط علي الاخر زي ما انت عايز..
_نزل معتز وركب عربيته وطلع موبيله وكلم مريم اللي ردت عليه بصوت نايم وقالت..
مريم
الو مين..
معتز
يا حيوانه قبل ما تردي بصي علي الاسم الاول..
مريم 
ناايمه ومش بعرف اقرأ وانا لسه صاحيه وبعدين انت عايز ايه..
معتز
نايمه وانا قايلك اني في مهمه اومال فين القلق والتوتر والخۏف..
مريم 
لا ما انا جوزي اسد بسبع اروح وبعدين ما انت زي القرد اهووو..
معتز
بس بس اسكتي واتنيلي قومي اجهزي انتي واياد..
مريم
طيب ما تخليها بكره مكسله اقوم والله..
معتز
ساعه وهكون عندكم يلا اقفلي..
_قفل معاها معتز وهي قامت غيرت هدومها وكمان جهزت اياد..
فريده 
خلاص كده هتمشو يعني يا مريم..
مريم
معلش يا ماما هبقي اجيلك..
فريده
ما شالله ما عنك جيتي انتي اصلا بتيجي وانتي خاربه الدنيا انا علي اياد ما تسبيه ليا..
مريم
مستحيل طبعا انا مقدرش اعيش من غير اياد دقيقه واحده..
فريده
هو معتز قالك مين البنت اللي كانت معاه غدفي العربيه. 
مريم
ما سألتهوش تاني وهو لو عايز يحكي هيحكي بصي هو انا هتجنن واعرف بس خاېفه اساله نتخانق تاني..
فريده 
بقيتي واثقه فيه اهوو اساليه بس زي ما انتي بتكلميني كده..
مريم اتنهدت وقالت
خير ان شاء الله يا ماما..
_والباب خبط وهي فكرته معتز وقامت فتحت بس اټصدمت لما لقيت اسراء صحبتها قدامها وقالتلها..
اسراء
ازيك يا مريم عامله ايه..
قبل ما ترد عليها جه معتز وقال
في حاجه يا مريم..
مسكت مريم في ايده وقالت بدموع
خليها تمشي يا معتز خليها تمشي انا مش عايزه اشوف وشها...
اسراء پبكاء
انا اسفه والله ما كان قصدي اخونك هو ضحك عليا وانا كنت حقوده وبغير منك عشان انتي احسن مني ولما طلب معايا اكون معاه ا..
زعقت فيها مريم وقالت 
اخرسي بقي اسكتي وامشي من هنا و...
_سكتت لما شافت سيف هو كمان جه ومسك اسراء من دراعها جامد وزعق فيها وقال....
سيف
انتي ايه اللي جابك عندها امشي قدامي..
وبص لمريم وقال
مريم اا..
وقف معتز قدام مريم و..
 
_في السچن اللي فيه عمر كان عنده واحد صاحبه بيزوره وقاله..
عمر
عملت اللي قولتلك عليه يا هاشم..
هاشم 
ايوه يا عمر الواد اللي قولتلك عليه كنت بشوفه مع نور اختك كتير في الكافيه اللي شغال فيه سالت وعرفت ان اسمه سيف البدري عيل صايع عايش علي فلوس ابوه وليه علاقات مشبوهه مع بنات كتير..
عمر پحقد 
تمام اعرفلي عنوانه لحد ما نظبط طريقه اطلع بيها من هنا..
هاشم
بس في حاجه كده عايز اقولك عليها..
عمر
في ايه اتكلم..
هاشم 
وانا وبراقب الواد ده شوفت... شوفت نيره اختك ريحاله البيت وبتقابله كتير بره البيت..
عمر بدموع
ايييه نيره اختي مع الواد ده..
هاشم 
انت نووي تعمل ايه بالظبط..
عمر بعصبيه
عايز اطلع من هنا بسرعه وهعملكم اللي عايزينه يا هاشم..
هاشم 
اهو كله بحسابه المهم هشوف البيه واقولك..
عمر پحقد ودموع قال لنفسه
انتي مش احسن من نور في حاجه يا نيره والله لاخليكي تحصليها. 
_تفتكرو ايه اللي هيحصل..
_بقلم الكاتبه_رحاب_القاضي_اتجوزني عشان اربيله ابنه١٩.. 
 
معتز وقف قدام مريم وقال لسيف
كلامك معايا انا انت والبنت اللي جنبك دي ما تبصوش لمريم بعينكم اصلا..
سيف بضيق
انت فاكر نفسك ايه ما هي شافت حقيقتك اوعي تصديقه يا مريم ده واحد مش سالك..
معتز 
لا وانت السلكان مقطع