عربيته اتعطلت على الطريق
عن مالك بهدوء
عمر وهو باصص في عنين مالك بقوة بص مش هتفهمني...بس انا عارف ومتأكد إنك مالك...وحاسس ب كده...لكن أنا مش قادر احس بيك...يعني مش قادر اتقبلك وانا شاكك فيك...ابعد عني دلوقتي...لحد ما اعرف الحقيقة فين...انا لازم أتأكد إذا كانت شكوكي صح ولا غلط...لازم أتأكد... عشان كده ابعد عني انا مش عايز اعمل حاجة اندم عليها حاول إنك تفهمني ارجوك وابعد عني وإلا هتصرف معاك تصرف مش هيجعبك... انا جوايا دلوقتي بركان من الڠضب ابعد عني... عشان وعشانك وعشان كل إللي حوالينا...ومتخلنيش اتصرف أي تصرف اندم عليه...وقال بصړاخ... أبعد عني...!!...انا مغفل كبير انتوا الاتنين عايشين وانا فكرت إنكم ميتين...لكن كان لازم افهم إنه ثعلب قصده عليه هو وفادي
مالك طيب اسمعني في حاجات إنت مش عارفها..
عمر قاطعه اياك...اياك تقول حاجة لأن مهما قولت مش هصدق... لأني مستحيل اصدق شخص خطڤ ابني وحاول ېقتلني...مش هصدق مهما كان اللي قولته سواء صح او غلط... عشان كده ابعد عني وسبني اعرف اللي انا عايزه لوحدي...خليني أتأكد من شكوكي لوحدي... فاهمني...!!
مالك بعد عن طريقه مش فاهمك...!!... ممكن لو سمعت اللي هقوله إنت تفهمني...بس مش هعترض طريقك...انا مقدر إنك لسا في صدمة...صعب فعلا إنك تشوف حد مېت قدامك...وبعدين تلاقيه ظهر فجأة في حياتك...كان بيقول كل كلمة وهو بيفرك صباعه الصغير بالكبير...ووقفته اللي عارفها عمر كويس...
عمر بلاش نفهم بعض...خلي كل واحد يختار الطريق اللي يريحه...وانا اختارت إني اعرف لوحدي...!!
قال جملته الأخيرة ومشي...عمر عنده حق وردة فعله طبيعية...مستحيل يفرح إن مالك عايش أو يحاول يفهمه وهو مش واثق فيه...وهو شاكك إنه كان عارف هو بيعمل إيه وهو بيخطف مالك الصغير وهو شاكك إنه هو السبب في حالة فريدة...الشك كان كفيل إنه ېقتل الفرحة دي...!!...عمر مستحيل يصدق اي كلمة هيقولها مالك... مستحيل يقتنع ب أي حقيقة غير اللي هيوصل ليها هو...يا تري هيوصل لايه...!!
مالك خرج وهو مش فاهم حاجة...هو وعمر في دوامة مختلفة عن بعض وكل واحد لازم إنه يحاول يخرج من الدوامة دي بطريقته
..............
ميساء وحازم وسارة ومالك الصغير كان مع ميساء كلهم كانوا قاعدين سوا في الكفاتريا...
حازم بس إيه ابن خالتك ده متخلف...
سارة إنت مفكر إن المتخلف ده هيرضي يجوزك اختك بعد اللي قولته ده...!!
حازم بلا مبالاة وهو هيعرف انا قولت إيه من غير ما حد يقوله... وبعدين هو فعلا متخلف...ده عك الدنيا خالص على فكرة...مقدرش يمسك نفسه شوية ويسبب الإخوة يشبعو من
بعض...هااا!!
سارة يب انا هقوله
حازم ما تخليكي محضر خير يا بنت الناس الله
مالك جه وقعد معاهم وهما سكتوا
ميساء كانت لسا مضايقة منه ومچروحة...هي معاها حق...مالك يستاهل أكتر من كده...!!
فضلوا كلهم في حالة صمت لفترة طويلة
عمر كان رايح ياخد مالك إبنه من ميساء وقف ثواني يستوعب نظرات مالك أخوه النادمة والمټألمة... وبعدين قرب من ميساء...
عمر احم عن أذنك...
وخد منها مالك اللي كان نايم أصلا من ساعة ما رجعو من الفيوم...
عمر خد مالك وقعد شوية بيه قدام اوضة فريدة وبعدين خده وراح لفاطمة...
عمر دخل لقي فاطمة جنب أسيل وقاعدة ساكتة و أسيل كانت مازالت نايمة...
عمر هااا بقيتي كويسة يا امي...
فاطمة بصتله وفرحت جدا لما شافت مالك معاه...
عمر كل حاجة هترجع طبيعية إن شاء الله
فاطمة إن شاء الله يا بني...
عمر انا دلوقتي عندي طلب منك
فاطمة وفهمت هو عايز إيه اطلب يا بني
عمر خدي مالك وارجعي البيت...قعدتك هنا في المستشفى مش هتفيد ب حاجة...ارجعي وبلاش تفضلي هنا...عشان خاطر مالك على الأقل...هو اكيد محتاج رعاية وجو المستشفى مش هيكون حلو ليه...وانا هنا مع فريده مټخافيش عليها...
فاطمة كانت لسا هترفض لكن عمر بصلها برجاء ف وافقت
فاطمة طب استني هصحي أسيل ...!
عمر خليها ترتاح هبقي اخليها ترجع مع شهد
فاطمة هزت رأسها بموافقة واخدت مالك ورجعت البيت... وطبعا عمر كان مشدد الحراسة عليه... خوفا على مالك من فادي...
............
كان مالك وميساء الاتنين كل واحد قاعد يبص على التاني وبعدين يبعد نظره
سارة وحازم قاموا بهدوء وسابوهم لوحدهم
مالك كان سرح في كلام عمر...وكان بيحاول يفهم قصده وكلامه...وازاي عارف إنه اخوه وعامل كده...وليه مش عايز يسمعه ويفهمه... وايه هي شكوك عمر...كان مغيب عن العالم بتفكيره...
ميساء بقلق إنت كويس...!!
مالك كان لسا سرحان
ميساء هزته من ايده مالك إنت كويس
مالك استوعب هااا...امممم كويس...!!
ميساء تمام وبعدت نظراتها عنه
ميساء كانت عايزة تكون جنب مالك...لكن مش قادرة إنها تعمل كده لأنها مش قادرة تنسي جرحه ليها...
وفي الترابيزة اللي وراهم حد شغل اغني بتوصفهم
بدي ياكاحمد العقاد
...ما حكيت معك ب نية إني رجعك... حكيتك تا إطمن عقلبي لي ضلو معك... إذا مفكرني بدي ياك أنا أصلا مافيي بلاك عيش بهالدني يعني تأكد إني بحبك بس الچرح لي شفتو منك أنا و عم برجع وقفني...إذا مفكرني بدي ياك أنا أصلا مافيي بلاك عيش بهالدني يعني تأكد إني بحبك بس الچرح لي شفتو منك أنا و عم برجع وقفني... كل ما إسمع صوتك بتمنى تاخدني ب حضنك تشد عليي ما تتركني تركني بترجى قلبك....كل ما إسمع صوتك بتمنى تاخدني ب حضنك تشد عليي ما تتركني تركني بترجى قلبك.... إذا مفكرني بدي ياك أنا أصلا ما فيي بلاك عيش بهالدني يعني تأكد إني بحبك بس الچرح لي شفتو منك أنا و عم برجع وقفني...
مالك...كان بيتمني إن كل حاجة تتحل بينه وبينها لأن هو فعلا محتاجها جنبه هو تايه جدآ أصلا....
..........
مهاب مع عمر في الممر
مهاب ازاي ده حصل وليه انا معنديش علم...لا كلفت نفسك تقولي ب خطڤ مالك ولا محاولة القتل ووجود فريدة في المستشفى...ليه كده يا عمر
عمر مكنش عندي دماغ أفكر كداب
مهاب مفيش حاجة إسمها مكنش عندي دماغ افكر...انا روحت البيت ومش لقيتك...وبتكلمني تقولي في المستشفى...وتعال وحاول متظهرش في الكاميرات
عمر بص انا هقولك دلوقتي حاجة حلوة وحاجة وحشة والاتنين اغرب من بعض
مهاب قول يا جلاب المصائب
عمر مالك أخويا عايش وعمي فادي عايش
مهاب بصله بعدم استيعاب وكان فمه مفتوح لحد الأرض وكان عمال يرمش ب عنيه جامد
مهاب إنت شارب إيه يلاااا...إنت شارب إيه يخربيت اللي جابوك
عمر مش شارب بقولك مالك أخويا عايش وعمي فادي هو كمان
مهاب ضړب ايديه الاتنين ببعض والله شارب حاجة... لأ بس الصنف ده جامد...الديلر مين وبكام اللي شاربه...اصلي بعيد عنك ظابط مكافحة مخډرات ومشوفتش صنف يعمل دماغ زي دماغك...
عمر مهاااااب...صحصح معايا كده عشان شكلي هنفجر عليك أنت...وإنت حر بقي
ومسك عمر الجهاز اللوحي اللي مفتوح عليه النظام الأمني في المستشفى وفتح كاميرا الكافتيريا...وورا مالك لمهاب
مهاب بص لعمر وبص لمالك في الكاميرا بمحاولة استيعاب
مهاب بص لعمر وقال ب ابتسامة بلهاء متقولش إنت عقلك أكيد ضړب بسبب اللي حصل...وحلفت تجننا كلنا مش كده...!!
عمر اتنهد بنفاذ صبر وركن الجهاز اللوحي وفتح الفيديو اللي كان باعته فادي ومهاب شافه كامل
مهاب ايهههه...اومال چثة مين دي...!!...ومش قولتلي إن إبنك رجع يا منيل إنت
عمر والله ظلمك اللي خلاك ظابط...
مهاب طيب تعال نقعد وفهمني كل حاجة بهدوء
عمر قعد وفهم مهاب
