روايه شهاب وتمارا
ابتسمت بسخرية اساعدك! هو انتي محتاجة خد يساعدك . انتي خلاص مشيتي في طريق اللي يروح مايرجعش. ربنا يسعدك عن اذنك.
مايا رايحة فين!
هنا رايحة اشوف ابوكي عمل ايه مع شهاب بيه .
خرجت هنا ومايا اتنهدت براحة وابتسمت بشړ وهي بتاخد فونها علشان تكلم تمارا وتكمل جرحها وتبلغها بخبر خطوبتها هي وشهاب.
تمارا كانت قاعدة علي البحر بتبتسم لنسمات الهواء اللي مشبعة بريحة البحر وبتفتكر شهاب وكل لمسة حنينة جمعتها معاه الليلة اللي فاتت. وكمان الصبح لما صحيت وكانت قاعدة تتأمل فيه ضحكت وافتكرت كلامه وهزاره.
________________________________________
وبترن كتيير ولما تمارا صممت ماتردش عليها بعتتلها رسالة علي الواتس أب.
مايا ردي علشان عايزاكي ضروري. في خبر مهم لازم تكوني اول واحدة تعرفيه.
تمارا بتشوف الرسالة ومش بترد. بس بتسأل نفسها خبر ايه وايه اللي لسة عايزة تقولهولها.
تمارا عقدت حاجبها مش فاهمة شهاب عند مايا في البيت ليه ! هو قالها انه نزل القاهرة علشان جاله فون شغل من حد مهم ولازم ينزل وهيرجع اخر اليوم. ليه راح لمايا.
مايا اتصلت تاني وتمارا الفضول خالاها ترد .
مايا ضحكت بإستفزاز ههههههههه. مالك اهدي شوية كدة اعصابك لسة هتحتاجبها كتييير بعد شوية .
تمارا بتأفف وزهق يووووووه . نخلص بقي مش فضيالك انا اللي عنك ارمي واخلصي.
تمارا كانت مش مستوعبة الصدمة دي ولا قادرة تصدقها . شهاب ليه بيعمل فيها كدة ليه في عز مابيقرب منها ويحسسها بالحنية والاحتواء. بيضربها ضړبة مؤلمة وآلم يفوقها ويصحيها علي واقع يوجع ويجرح.
مايا ابتسمت بتشفي تؤتؤتؤ. بجد صعبانة عليا لسة بتقاوحي. عموما انا بعتلك صورته وهو قاعد مع بابي دلوقتي علشان تتأكدي لاتفتكري اني بضحك عليكي ولا حاجة . كمان بعتلك صور الدبل بتاعتنا وخاتم الخطوبة . علشان تبقي اول حد يشوفهم . باي عن اذنك مش عايزة اتاخر علي شهاب حبيبي بااااي.
للدرجة دي هو خاېن وكداب وبيقدر يتلون !
للدرجة دي عنده قدرة علي التمثيل والزيف انه يكون معاها الصبح بالشكل ده ويجعهم اللي جمعهم وبكل سهولة يروح يخطب مايا علشان يكمل كسرتها وانتقامه منها!
معقول كل لمسة وكل كلمة كانت كدب !
فضلت تبكي وتبكي بحړقة وۏجع وچرح واهانة لكرامة انهدرت وضاعت. وبعد دموع وحزن. مسحت دموعها وبدأت تتماسك وتقرر انها لازم تاخد موقف وتحط حد لچرح كرامتها وكبريائها بالشكل ده. ومش هتكون ضعيفة تاني ابدا وياه مهما عمل ومهما حاول يخدعها. ولازم تدفعه تمن كل اللي فات
كتير عليا اليسا
مش ممكن ابين نفسي ضعيفة وخاېفة مهما ضعف ولا هرضي ابان مهزومة لو حتي سألني وبردوا حلفت .
وبكت بحړقة علي كبرياء عاشته سنييين وقوة كانت من سماتها ووصفها قصاد الكل وعمرها ما كانت ضعيفة ولا هينة. الكل كان عارفها وعارف قوتها وانها مستحيل تحب وتكون بالضعف ده.
انا واحدة قصاد الناس في مشاعري قوية طول الوقت .
وان حتي بحبه هبين عكس اللي انا حساه دلوقت.
وبقوة مسحت دموعها واقسمت انها هتحاربها علشان ماتنزلش تاني بسببه. وانه لازم يندم انه خسرها للابد.
لازم لما يشوفني يحس ان انا مش زي زمان. واني عشان حبيته عملتله كل اللي بيرضيه .
لكن لما يسبني اخليه عمره يعيش ندمان. وفي بعدي هيتاكد ان انا كنت كتيييرة عليه.
في اللحظة دي حاست فعلا انها استقوت علي حبه وقلبها بدأ يتعب من الچرح ومن كتر ما ڼزف ۏجع . بدأ الالم يبقي معتاد وانها كانت لازم تاخد الضړبة دي علشان تقوي وتقسي قلبها عليه وكانت لازم تتعلم انها ماكنش المفروض تسلم وتحب كانت لازم تفضل زي ماهي ماتسمحش لاي حد يدخل حياتها
