روايه شهاب وتمارا

تفهمك لموقفي ومساعدتك ليا . انت بجد انسان جميل وحنين وتستاهل كل خير.
احمد ابتسم بحب مافيش داعي تشكريني. الحب مش بإيدينا. انتي بتحبيه وهو جايز يكون بيحبك. بس مش عارف يظهرلك ده. و انا هكون سعيد علشانك لما تكوني سعيدة. وهساعدك وانا في منتهي السعادة . وماتنسيش اني هكون جنبك وده اقصي احلامي. حتي لو بالكدب مش مهم انا راضي. حلا انتي تستاهلي تكوني سعيدة مع راجل يحبك ويتمني رضاكي.
حلا بإمتنان انت كمان انسان رقيق. ووقوفك جنبي ده عمري ماهنساه . انا بحب فادي وعمري ماهقدر احب غيره بس لازم يتغير ويكون انسان جديد. واتمني ليك انت كمان ربنا يهديلك مراتك وتعرف قيمة الراجل اللي معاها. وتعيش مبسوط.
احمد بحزن انا اول مرة احس اني حبيت بجد كانت معاكي وعمري ما اتمنيت ست غيرك. هي ضيعت مني كل حاجة حلوة . حاولت معاها كتير بس هي خلاص مستحيل تتغير. وابتسم بحزن. سيبك مني بقي وخالينا فيكي انتي اهو يبقي حد فينا نجح في حياته وقدر ينقذها. احممم علي فكرة فادي جاي علينا وشكله كدة ناوي علي الشړ.
فادي فعلا قرب منهم وهو بيغلي من الڠضب.
فادي اقدر اعرف ايه اللي انتي لابساه ده وجاية معاه ليه انتي ناسية انك لسة في العدة احترمي نفسك لحد ما تبقي حرة بعد كدة ابقي اعملي اللي يعجبك.
حلا التفتت ليه بكل هدوء وثقة وانت ايه دخلك . البس ايه واجي مع مين . وبعدين هو انت شوفتنا عملنا ايه احمد جه معايا الحفلة عادي وبعدين قريب اوي تخلص العدة ونعلن خطوبتنا. واكيد هعزمك.
فادي وصل للقمة خلاص مش قادر يتحمل اكتر من كدة. مسكها من ايديها وشدها وراه احمد حاول يوقفه فادي كان لسة هيضربه لقي شهاب وقف احمد بإيده وبقوة.
شهاب بثبات وجدية خاليك مكانك احسنلك هو ومراته حرين.
احمد بعصبية بس هو خلاص طلقها . ومالوش حكم عاليها.
شهاب بص لفادي خد مراتك وروحوا اتكلموا.
مشي فادي وهو بيجر حلا وراه پغضب وهي بتحاول تفلت منه.
شهاب الټفت لأحمد بحزم وهدوء وحط ايده في جيبه انا شايف انك مالكش مكان بينهم وافضلك تمشي علشان انا ما اضممنش فادي ممكن يعمل معاك ايه. ولا انا بصراحة. وياريت بلاش تصتاد في المياه العكرة.
أحمد ابتسم حضرتك شهاب الحديدي مش كدة.
شهاب ابتسم بإستفزاز بالظبط هو انا عرفتها لوحدك دي!
احمد حلا كلمتني عنك كتير علي فكرة وهي بتثق فيك جدااا. وقالتلي انها هتفهمك علي كل حاجة.
شهاب عقد حاجبه تفهمني ايه!
احمد الافضل هي تقولك.
شهاب بدأ يتنرفز بص يا ابني انا مش زي فادي ازعق واعمل ظيطة. انا ممكن ازرفك قلم يخليك تتكلم 300 كلمة في الدقيقة زي القرد ابو طبلة ده عارفه.
احمد بدأ يقلق من شهاب برغم شدة فادي لكن شهاب مختلف عنده حضور قوي وثقة في نفسه مالهاش حدود.
احمد احممم. طيب انا هفهمك بس ارجوك بلاش فادي يعرف حاجة ده لمصلحتهم هما الاتنين.
شهاب رفع حاجبه نخلص بقي ونقول المفيد.
احمد اصلي انا وحلا وعدي بيه ومدام هنا اتفقني علي ............ فهمت حضرتك.
شهاب اتنهد براحة احمم. اه تمام بس خالي بالك عقلك يوزك تاخد الموضوع جد ولا تستظرف معاها كدة ولا كدة . انا هخليك تتمني ترجع بطن امك تاني فاهم.
احمد پخوف احممم لا لا ماتقلقش.
شهاب سابه ومشي قابل مؤمن بيقرب منه.
مؤمن بوب حبيب قلبي. ايه ياعم الحفلات الجامدة دي هو فيه كدة. هي النسوان دي مالهاش رجالة تلمها الواحد اعصابه باظت ياجدع.
شهاب بأرف نسوان! ماتتنيل تحسن مالفظك يا حيوان انت وسط ناس محترمة مش قاعد في حجز الاداب. كاتك الارف عليك وعلي لسانك.
مؤمن ينفع كدة هو انا كل ما اصفالك تزعلني منك تاني. انا ماصدقت نسيت عملتك السوداء. قلبي لسة موجوع علي الغالية.
شهاب طيب اتنيل اسكت بدل ما احړق قلبك غليها زيادة واخرج اۏلع فيها.
مؤمن بړعب لا لا ابوس ايدك حقك عليا . بص قطعني انا الا الغالية انا لو اتجوزت مش هحب مراتي زيها.
شهاب بتردد احممم قولي ماشوفتش تمارا
مؤمن كان بيبص علي شيري صاحبة مايا وهي كانت بتعدي من جنبهم. وهو عنيه عليها وبيعاكسها.
مؤمن بصفارة شقية اوعي الاسمراني اللي جاي علينا ده هو فيه كدة.
شيري ضحكت بدلع هههههههه. ومشيت.
مؤمن ابتسم العب جايلك يا وحش اموت انا في اللون البرونزي ده جاحد. ورايح وراها.
شهاب بغيظ شده من هدومه انت يا متخلف بطل الاسلوب الساڤل ده احترم نفسك ماتعملناش مشاكل بقي واتهد حيوان. اتنيل رد عليا شوفت تمارا.
مؤمن مش مركز معاه وعنيه علي شيري ياعم انا مال امي انا بتمارا انا خلاص توبت وصليت مع نفسك بقي دور عليها. انا بقيت اتشائم منها بسبب الغالية اللي تشدشت بسببها. واوعي بقي خاليني اشوف مصلحتي.
انت ياعم الاسمراني سايبني كدة تعالي بس هقولك.
شهاب بضيق الله يحرقك غبي ومش هيتغير ابداااا. هتفضل