عشق رعد بقلم نورهان رضا

اى ياراجل انت بقولك ايه استنى هتصلك بيها 
مى الوو ياتقى فى حمار هنا واقف على البوابة مش راضى يدخلنى. 
تقى بضحك عيب يابنتى ادهولى 
مى خد ياخويا 
الحارس الوو ايوه ياست تقى يرضيكى الولية دى بتقول عليا حمار 
مى ولولو عليكى ساعة يابعيد 
تقى حقك عليا انا ياعم احمد معلش ډخلها 
عم احمد ادخولى والله لولو الست تقى ما كنت هدخلك 
مى بص ياراجل انت انا مش هرد عليك 
دخلت مى وهى منبرة بجمال القصر وبتقول يالهوووى دا كله طريق للقصر امال القصر هيكون عامل ازاى 
وصلت للقصر وبعدين مسعد فاتحلها ووصلها لاوضة تقى 

مى يابنت المحظوظة اى العيشة دى واى الاوضة دى دى اوضة سندريلا 
تقى اقعدى بقا عاوزاكى فى موضوع مهم 
مى قولى بس بعدها هتفرجينى على القصر 
تقى حاضر بس واطى صوتك علشان سيف نايم 
مى مش دا الواد اللى كان معاكوا فى الصور 
تقى اه 
مى ولاد عز بسم الله ماشاء الله عسل 
تقى اقعدى بقا واسمعينى كويس 
حكيت تقى لمى كل حاجه عن عباس والىى عمله وفى الاخر قالتلها بس دا سر محدش يعرفه انا عاوزة منك خدمة انا عاوزة واحدة تدحرج عباس دا لحد ما نقفشه ونروق عليه ونخليه يتربى انا عاوزة كل املاكه تتنقل باسم الواد اللي خلاه يتيم الاب والام فى نفس الوقت 
مى الراجل الكلب الحيوان بس هو اقتلهم ليه 
تقى معرفش ملحقتش اكمل 
مى انا بنفسى اللى هادب عباس الكلب دا وهجيب حق الواد دا تالت ومتلت 
تقى لا اخاڤ عليكى هو راجل مش سهل زى ما انتى مفكرة دا ماية من تحت تبن 
مى متقلقيش انا اتعاملت مع الاشكال دى الراجل الكبير من دول لما يشوف بنت من دور عياله وحلوة بيريل عليها انا هخليه يدور كعب داير ورايا وهجيب حق الواد دا يعنى هجيبه بس عاوزة اعرف تحركاته والباقى عليا 
تقى انتى متاكدة 
مى اها 
تقى توكلنا على الله 
سيف صحى وقال ماما مين دى 
مى ماما! 
تقى دى طنط مى اختى 
مى ايوه ياحبيبي انا مى 
سيف ازيك ياطنط مى 
مى والله طنط من بوقك زى العسل عاوزة تتاكل الا ماعندكوش اكل هنا ولا

اى ياتقى 
تقى ياخرابى دايما فضحانى كده فى كل حتة بسبب كرشك دا 
سيف يضحك طنط مى جعانة ياماما وانا كمان 
تقى طيب يالاه نطلب من عم مسعد يجبلنا الاكل 
وفجاة صوت رعد على وينادى على مسعد 
مى انتى روحتى فى داهية هتلاقيه عرف انك دخلتى الاوضه دلوقتي 
تقى راحت عليا انتهيت 
خرجت مى وتقى وراحوا يراقبوا رعد من بعيد 
تقى بصوت واطى ھيموتنى دلوقتي 
مى دا اكيد 
رعد مسعد انت فين 
مسعد انا هنا اهو ياباشا 
رعد مين ساب باب اوضتى مفتوح 
مسعد حضرتك اللى سبتوا مفتوح وخرجت 
رعد تمام 
تقى الحمدلله عديت 
رن تلفون البيت راح مسعد ورد 
مسعد يارعد بيه فى واحد اسمه ابو الحسن وابنه عاوزين يشوفوا حضرتك 
رعد بابتسامة عريضة خليهم يستنوا بره ساعة وبعدين دخلهم 
مى فارس ابو الحسن بره! 
تقى يالاه ندخل الاوضه 
دخلوا الاوضه 
مى دا القصر دا عامل زى السينما 
تقى بضحك والعرض هيبدا كمان شويه 
مى انتى مش تقى 
تقى ازاى يعنى 
مى من ساعة ما جيتى القصر هنا وانتى اتغيرتى حساكى بقيتى قوية ومفترية 
تقى لا مش من ساعة ما جيت القصر انا حصلى موقف كده لما سبت فارس واكتشفت خداعه 
مى اى هو 
تقى انا قابلت واحد عند البحر وكملت تقى الحكاية لمى وقالت انا بدور على الشخص ده من ساعتها واول لما سمعت صوت رعد كان مشابه تماما لصوت الشخص دا بس لما سالت رعد ضحك وقال انه مبيروحش الاماكن دى 
مى والله امال عرف مكانى لما قررتى تمشى وتسيبه منين 
تقى باستغراب فكرت انك اللى قولتيله 
مى انا اصلا ساعتها معرفش انتى روحتى فين 
تقى يعني ايه
مى الامر واضح جدا ان نفس الشخص هو رعد بس هو مخبى حاجة ولحد الان احنا منعرفهاش 
تقى ازاى متاكدة كدة 
مى احساسى واحساسى عمرى ما بيخيب 
تقى اتلهى واسكتى باحساسك دا 
وفجاة سمعنا صوت عالى جاى من بره القصر بيقول ماينفع اللى بتعمله دا يارعد انا قد ابوك برضو 
خرجت تقى ومى وشافت رعد واقف فى الشرفة بتاعت القصر وشاور للحارس براسه ودخل ابو الحسن وابنه 
مى العرض بدا ياترى هيكون ممتع 
تقى لسه منعرفش 
دخلوا القصر 
وقعدوا فى الصالون نزل رعد وتقى ومى استخبوا ورا العمود علشان يتفرجوا 
رعد اهلا وسهلا بابوالحسن وفارس بيه 
ابو الحسن اهلا بيك يابنى 
فارس بصله وعينه محمرة وبيغل على سنانه 
رعد اتفضلوا اقعدوا تشربوا ايه. 
ابو الحسن احنا مش جاين نضايف بس عاوزينك تنسى اللى ونرجع العقد تانى 
رعد فرد ضهرة وحط رجل على رجل وقاله هو اللبن لما يتعكر ينفع نرجعه تاني 
ابو الحسن اشتريلك بداله 
رعد وانا مش عاوز 
ابو الحسن ايه يرضيك وانا اعملهولك 
رعد هو انا بصراحه انت صعبت عليا بسبب انك مخلف ابن عاق زى دا فانا اللى يرضينى ان ابنك يقوم يتاسفلى وبعدين يتاسف لتقى البنت اللى لطخ شرفها 
فارس پغضب انت اجننت ولا ايه فارس ابو الحسن مبيعتذرش لحد 
رعد يبقى يدفع قدام مش هيعتذر وحاجة كمان وانت قاعد هنا صوتك ميعلاش عن نبرته