انت عايزنى اعيش معاك بعد لما قررت تتجوز عليا
مش هسيب شقتى النهارده يعني انتوا لو كتبتوا الكتاب ممكن تروحوا اي فندق
زين بدهشه مين قال انك هتسيبى شقتك
فرح رفعت تلفونها فى وشه وقالت الرساله دى
زين قرأ الرساله وكانت من أمه وكان محتواها يلا بقا فضى الشقه عشان العروسه الجديده لازم تكون فيها على الأقل اسبوع
زين پغضب مكتوم من أمه قال الكلام ده مش هيحصل ده بيتك ودى شقتك وهى هتيجي هنا زي الضيفه
كانت لسه هتمشى وقفها صوت زين ال قال فرح
فرح مش قادره اتكلم يازين معلش
دخلت اوضتها وقفلت الباب
بارك الله لكما وبارك عليكما وجمع بينكما في خير
زين بعد الجمله دي قلبه اتقبض وألقى نظره على فرح ال صممت تيجي وكانت واقفه بس ملامحها كانت خاليه من كل التعابير وهو مقدرش يحدد نظرتها ليه كانت ايه
زين شال ايدها بهدوء وقال الله يبارك فيكي
هانم قربت من زين وقالت پغضب ايه ال جاب مراتك معاك يازين
زين أمى ملكيش دعوه بفرح خالص بعد أذنك
هانم بسخريه معرفش عملالك عمل ولا ايه
كريم وقف جمب فرح وهو بيبص على زين وبيقول صدقيني فى حاجه ورا الموضوع
فرح بدهشه قصدك ايه
فرح بسخريه واضح جدا اهو بالأماره اتجوز عليا
كريم صدقيني هكشف كل حاجه وهعرفك بس المهم دلوقتي متضيعهوش من ايدك وتسبيه للعقربه دي
فرح بتسارل قصدك اعمل ايه
كريم بخبث تخليه يبات معاكي النهارده
فرح پصدمه وانت فاكر عروسة المولد ال معاه دي هتسيبه
كريم انتى وشطارتك بقا شوفى رد فعله قدامهم لو وافق يبقا هو ماصدق يخلص منها وعايزك لو موافقش وراح معاها بمزاجه صدقيني انا بنفسى هطلقك منه
كريم بابتسامه توكلى على الله
كريم قال كلامه وسابها ومشى وزين قرب عليها وقال پحده عجبتك الوقفه مع كريم اووى شايف الكلام اخدكم
فرح ببرود كريم زي أخويا وانت واقف مع عروستك افضل واقفه لوحدي يعني
زين مسح على وشه بعصبيه وقال فرح متختبريش صبرى
فرح كانت هترد بس منار قربت عليهم بدلع يلا يازينو عشان نروح
زين اټصدم من كلامها وتغيرها المفاجئ
منار بغيظ انت هتروح معاها يازين
فرح بصتله وقالت ها يازين قولت ايه ياحبيبى
زين كان واقف مش عارف ينطق ولا يقول رد فعل من الصدمه
يتبع
الفصل الثالث
فرح بصتله بخذلان مره اخرى واتأكدت أن هو هيخذلها كالعادة
كانت لسه هتمشى زين مسك أيدها وقال هروح معاكى يافرح
فرح ابتسمت بأمل
منار پحده ازاى ده يحصل انا العروسه
هانم سمعت صوتهم وجت وقالت فى ايه
منار پغضب شوفتى ياعمتي الست هانم عايزه
تاخده يبات معاها النهارده
هانم بصت
